BLACK&WHITE: ZINDAGI KE RANG
CHARACTERS:
·
Amir
·
Ramu:
Amir’s best friend
·
Karia:
Amir’s school friend and love
·
Samiya:
AMIR’S college friend
Amir apne ghar me T.V ke
samne baitha hai, Wo T.V ko aise dekh rha hai jaise koi pyasa sagar ko dekh rha
ho, T.V par latest songs chal rhe hain, wo remote uthata hai aur channel change
karta hai, channel change hote hote ek channel lagta hai jis par black&white
songs chal rhe hote hain unhe dekh kar Amir kho sa jata hai aur dekhte hi
dekhte T.V purana sa black&white ho jata hai, Amir ke kaano me aawaze aane
laagti hain jaise koi use kah rha ho “OYE ! BLACK&WHITE . . . ” aur Amir
bhi chhota bachche me tabdeel ho jata hai.
10 Saal
pahle
Amir apne ghar me baitha
T.V dekh rha hai, T.V par Doordarshan chal rha hai jis par Chitrahar aa rha
hai, kyuki Amir ko gaano ka bhut shauq hai isliye wo aaram se T.V dekh rha hai,
tabhi Amir ke ghar kuch mahman aate hain aur jinme se ek Amir ki hi umar ka
bachcha Amir se kahta hai “oye black&white kyaa chal rha hai?” Amir ko
bilkul acha nhi lagta ki use koi black&white kahe is hi vjah se wo apne
papa pe jab tab naaraz rahta hai ki wo
colour T.V kyu nhi lete par wo ye nhi samjhta ki chahto se pahle zarurate puri
karna zaruri hota hai.
Amir bahar kisi ke sath khelne nhi jana chahta kyuki sab use
black&white kah kar chidate hain aur aisa isliye kyuki use chhod kar uske
sab hi janne walo ke ghar colour T.V hai. Amir ka sirf ek dost hai Ramu jo Amir
ko bhut ache se samjhta hai, Amir apne class ka topper hai, bhut tameezdaar,
suljha hua aur samjhdar bachcha hai.
10th class
me top karne ke baad aaj Amir 12th me hai, thoda sa pareshan
ki kuch hi din me school chhod jana hoga, lekin Amir school se zyada Karia ko
chhod jane ke liye pareshan hain, Karia
Amir ki classmate hai jisne 11th me is school me admission lia tha
aur aaj wo Amir ki bhut achhi dost hai, ek aisi dost jise Amir mann hi mann
pasand karta hai par kabhi kah nhi paya aur ye baat sirf Ramu ko pata hai.
Farewell ka time kareeb aa chukka hai aur Amir apne mann ki
baat Karia se kah dena chahta hai, usne Ramu se advice maangi to Ramu ne uska
hausla badaya aur uske dil ki baat Karia se kah dene ko kaha.
Farewell ka din aa gya, party huyi sab hi ne kuch na kuch bola
apne teachers ke bare me, friends ke bare me, juniors ke bare me, jab Amir ki
bari aayi to. . .
Amir : Mai baki sabki naqal krke I miss you I miss you nhi
boluga balki jo sawal humesha se mere mann me raha hai wo puchuga, mai manta hu
mere ghar black&white T.V hai aur aap sabke ghar colour T.V hai par iska
kya ye matlab hai aap sab mujhe black&white hi bulayege, aaj yaha mera
akhri din hai isliye ye sawal mai aapse kar rha hu,..btaiye.
A Classmate of Amir : Amir tum ye kya bol rhe ho ki tumhare
ghar black&white T.V hai isliye hum tumhe black&white kahte hain, nhi
Amir hum tumhe black&white kahte hain kyuki tum black&white ho.
Amir: kya,. . . kya matlab mai black&white hu????
Classmate : ha,.. tum khud ko dekho zara tumahri life hum
sabse kitni alag hai, maine kabhi tumhe jeans T-shirt to pahne dekha hi nhi
college ki uniform to pahan bhi lete warna kabhi tumhare ghar jao to kurta
paijame me hi milte ho aur to aur tum aaj bhi formal me aaye ho, tumhe game bhi
kya pasand hai Chess, tumhara favourite subject Hindi… really Hindi…I mean
kisika favourite subject Hindi kaise ho sakta hai usme to Dohe aur loktiyo
jaisi cheese hoti hain, tumhara hairstyle. . . mujhe kahne ki zarurat nhi hai
zara hume dekho aur mirror dekhlo, T.V bhi dekhte ho to Chitrahar aur Rangoli
dekhte ho jispe latest songs to kabhi aate hi nhi hain aur to aur tumhara dream
bhi kya hai writer banna. . . ek jagah baithkar bas soch me doobe rahne wala
kaam,.. ab tum hi btao ye life black&white nhi hai to kya hai,. Tum
black&white ho isliye nhi ki tumhare ghar T.V black&white hai balki
isliye kyuki tumhari life Black&white hai.
Amir : (Aansu chhupate huye) Ha . . . ha shayad tum theek kah
rhe ho. Thank you so much.
Amir ne khud ko
sambhala aur Karia ko Café me lekar gya.
Amir: Karia mai tumse kuch confess karna chahta hu.
Karia: ha bolo kya baat hai ?
Amir: Maine tumhe kabhi btaya nhi par mai kisi ko pasand karta
hu.
Karia: aree wah ye to bhut achhi baat hai kon hai wo lucky
girl??
Amir: hai koi par tum mujhe ye btao ki agar mai usse jakar
kahu to wo na to nhi kahegi?
Karia: aree baba . . . kon hai wo ?
Amir: (Karia ko pyar se dekhte huye) You
Karia: ha ha ha very
funny . . . ab jaldi btao ?
Amir: You
Karia: thappad dekha hai?
Amir: (Karia ki aankho me dekhte huye) tumhare alawa kuch nhi
dekha
Karia: (pareshan hokar) Amir tum ye kya bole chale ja rhe ho
Amir: Dil ki baat
Karia: agar ye sach hai… to
Amir: sach to ye hai,….to kya Karia
Karia: (nazre churakar) sorry
Amir: (aansuo ko bahar aane se
rokne ke liye aankho ko thoda sa band karke) Karia , . . I love you
Karia: (aansuo ke sath) Amir samjhne ki koshish kro mai ye nhi
kar sakti.
Amir: (aansu ponchte huye) oh mai samjh gya, mai
black&white hu na isliye?
Karia: aree nhi yaar aisi baat nhi hai meri ek personal
problem hai . . . please try to understand.
Amir: to mujhe btao na…kya pareshani hai mai door kardunga.
Karia: tum kuch nhi kar paoge….achha mai chalti hu late ho rha
hai apna khyal rakhna . . . bye
Amir ne use rokne ki koshish kri par wo nhi ruki, Amir ko
samjh aa gya ki uski koi personal problem nhi thi balki uski black&white
zindagi ki vjah se hi use accept nhi kia. Wo mann hi mann me ye soch rha tha ki
ladkia aisi hi hoti hain unhe mujh jaise black&white nhi balki macho aur
hunk pasand hote hain, wo Ramu ke paas jata hai aur use puri baat btata hai,
Ramu ko ye sunte hi gussa aa jata hai aur wo karia se baat karne ke liye uske
piche jata hai Amir use rokne ki koshish karta hai par wo nhi rukta, lekin phir
bhi kuch ho nhi pata.
Amir ek Arts college me
Admission leta hai aur Ramu bahar kisi shahar me chala jata hai jaha wo Management
college me admission le leta hai, Amir ka eklauta kareebi dost bhi ab usse door
ho chuka hai, Amir aaj bhi vaisa hai jaisa school time me tha aur vaise bhi
kisi bhi insan ke liye khud ko badlna to aasan ho sakta hai par apni fitrat
badlna aisa hai jaise kisi computer me Operating System change karna par
badkismati to yhi hai ki Insan ka Operating system (DIL) dobara install nhi ho
sakta, jo hai usi pe puri zindagi bitani padti hai.
Amir ko is college me ek hafha ho gya hai abhi tak uska koi
dost nhi bana hai kyuki yaha ke to log school se bhi zyada colourful hain to wo
ek black&white se dosti kyu krege.
Ek din jab Amir café me akela baitha chai pee rha hota hai to
use ek aawaz sunayi deti hai ,” May I
sit here ?” Amir dekhta hai to samne ek khubsurat si ladki khadi hoti hai, Amir
use baitha leta hai aur wo Amir se baat shuru kar deti hai, baato baato me dono
ek dusre ko apne bare me btate hain, to Amir ko Pata chalta hai ki Uska naam
Samiya hai aur wo English se B.A kar rhi hai, Amir bhi apne bare me btata hai
ki wo Hindi se B.A kar rha hai aur ek Writer banna chahta hai isi ke sath dono
ki dosti ki shuruwat ho jati hai, chalte chalte bye kahne ke sath sath Samia
kahti hai “aaj tumse milkar bhut achha laga, anybody can easly fall in love
with you”
Amir use dekhta rah jata hai ki ye Samia ne kya bola.
Raat me aasmaan ki taraf dekhte huye apni chat pe lete Amir ke
dimagh me sirf ek hi sentence baar baar aa rha tha , “aaj tumse milkar bhut
achha laga, anybody can easly fall in love with you” Wo yhi soch rha tha ki
usne aisa kyu kaha, uske dimagh me alag alag tarah ke khyal aa rhe the, kuch
der baad uski aankhe uljhe huye khyalo ke sath neend ki vjah se band ho gyi.
Amir aur Samiya ka milna julna dheere dheere badne laga, Amir
se milne wala koi aur tha bhi nhi par Samiya ki to aur bhi friends thi par wo
apna kafi waqt Amir ko deti thi,Amir bhi uski sangat se khush tha aur Amir ko
is college me ek baat ka sukun tha ki yha use koi black&white kah kar
bulane wala nhi tha.
Ek din baato baato me Samiya ne Amir se kaha, “yaar tum itne
bhi kaise simple aur sabse alag ho sakte ho, . . . you are really
black&white” Amir hairan ho gya ki Samiya ne use black&white bola, usne
Samiya se pucha ki wo aisa kyu kah rhi hai to Samiya ne kaha ki wo sachmuch
sabse alag hai aur use Amir ki ye hi baat pasand hai.
Amir: Kya sach much..?
Samiya: ha sachmuch,..par tum itne pareshan kyu dikh rhe ho?
Amir: kyuki sab humesha se mujhe black&white kahte hain,
meri aisi zindagi ki vjah se par pata hai Samiya . . . vaise to mai sabki har
baat sunkar khoon ka ghoot pee leta hu par is black&white zindagi ki vjah
se mujhse mera pyar bhi door ho gya.
Samiya: pyaar? K . .
. kaise?
(Amir ne use Karia ke bare me puri baat btayi)
Samiya: par jaisa ki tumne btaya ki uski persnol problem thi ,
. . to phir tum ye kyu kah rhe ho ki tumhari black&white zindagi ki vjah se
usne tumhe nhi apnaya.
Amir: To wo aur kya kah sakti thi, wo meri dost thi isliye
usne ye baat mere muh par nhi boli.
Samiya:Tumhe aisa kyu lagta hai?
Amir: (aansuo ke sath) kyuki mai black&white hu,..tum sab
jaisi colourful nhi hai meri life…isliye sab mujhe aisa kahte hain aur jis din
wo mujhe chhod gyi us din mujhe yakeen ho gya log galat nhi kahte.
Samiya: Amir . . . is
baat pe mai tumse agree nhi karugi. . .No,
pta hai har koi ye Think positive, Think positive….kyu kahta hai.?
Amir: kyuki positive sochege to positive hoga
Samiya: Nhi…. Kyuki log negative sochte hain aur negative soch
unhe aage badne nhi deti aur agar kuch positive unki life me ho bhi sakta hai
to nhi ho pata…..sirf is negative soch ki vajah se, aur wahi tumhare sath hai
logo ne tumhe black&white kaha to tumhe laga ki log tumhe tumhari T.V ki
vajah se black&white kah rhe hain to tumne papa se zid shuru kardi ki
colour T.V lao aur jab pata chala ki log tumhe tumhari saadi Zindagi ki vajah
se kahte hain to tumne mann hi mann me soch lia ki ha tum sabse kamzor, sabse
neeche, sabse pichhde huye insan ho, . . . aree ek baar ye to soch lete ki log
tumhe black&white aur khud ko colourful kahte hain par kya Black aur White
colours nhi hain? Zara socho agar humari life me black and white colour hi nhi
hota to kaisa lagta, badal white ki
jagah yellow hote to kaise lagte ?, kabhi raat me aasman dekha hai kaale kaale
aasman me chamakte huye wo safed taare,..agar aasman green aur taare blue hote
to kaise lagte? Barf orange hoti, humare
baal purple aur daant red hote to kaise lagte, Tajmahal brown hota to kaisa lagta
aur humare tirange me white ki jagah pink colour hota to kaisa lagta? Black and
white colours ke bina humari zindagi hi adhoori hai yaar, aur vaise bhi white
is the symbol of piece and black represents the secret, iska matlab tum shant
rahne wale insan ho jiske pass koi secret hai aur tumhe pata hai jo log khud ko
colourful kahte hain wo apne ek bhi rang par khare nhi utarte, jaise red
colour, na to sab bloody hot(dangerous) ho pate hain aur na hi Dil-o-jaan se Pyaar
kar pate hain Black&white ka matlab saadgi hai jo kuch khas logo me hi hoti
hai.
Amir: (aankho se nikal kar gaalo tak aa chuke aansuo ko pochte
huye) Maine is tarah se kabhi socha hi nhi tha, maine to humesha
black&white ka matlab ek haara hua, dunia se alag, ek namuna aur purane zamane
wala insan samjha tha, aur na hi kabhi pahle kabhi kisi ne mujhse ye sab kaha
tha, kya sachmuch main khas hu?
Samiya: Ha tum khas ho tumhari saadgi hi tumhari khasiyat hai
bas tum is baat ko samjho to . . . tum
khas ho tabhi to Karia tumse pyar kar baithi thi?
Amir: kya? Mai usse
pyar krta tha wo nhi,.. shayd tum bhool gyi.
Samiya: tum aaj tak . . .
Amir: (Samia ko beech me rokte huye) tumhe kaise pata ki uska
naam Karia tha maine tumhe uska naam to nhi btaya tha?
Samiya: mujhe uska naam bhi pata hai aur ye bhi pata hai ki wo
bhi tumse pyar karti thi ,… oh I mean karti hai.
Amir: Tum ye sab kya kah rhi ho mere kuch samjh nhi aa rha
hai….
Samiya: Ramu ko call karo aur usse pucho?
Amir: tum Ramu ko bhi janti ho?
Samiya: usse farq nhi padta,..tum sirf use phone lagao aur
usse pucho ki jab wo Karia ke piche usse
puchne gaya tha to usne kya kaha tha.
Amir: ok..
Amir ne Ramu ko phone lagaya aur usse yeh baat puchi
Ramu: tune aaj se pahle to kuch nhi pucha aaj tujhe ye janne
ki zarurat kaise pad gyi?
Amir: tujhe meri kasam hai bas tu sach sach bata de mujhe sab
Ramu: Aree yaar jo baat aajtak maine tujhe nhi btayi aaj tune
mujhe kasam dekar btane par majboor kardia hai,
achha to sun… Jab Karia 11th class me aayi thi mujhe use
dekhte hi pyar ho gya tha aur maine use propose bhi kia tha but usne accept nhi
kia kyuki wo mujhse pyar nhi karti thi aur wo aisi ladki bhi nhi thi jo sirf
time pass kre, uske baad jab tune mujhe btaya ki tu use pasand krta hai to
maine uska khyal apne dil se nikalna shuru kar dia aur mujhe laga bhi tha ki wo
tujhe accept karlegi kyuki use tujh jaise log pasand the par jab us din usne
tujhe reject kia to mai hairan ho gya aur mujhe aisa laga ki main hi dobara
reject hua hu to main uske paas pahucha aur usse pucha ki Amir ko reject kyu
kia to wo baat taalne lagi par mere bhut zor dene par usne btaya ki wo bhi tumse
pyar karti hai par tumhara proposal accept nhi kar sakti kyuki mai bhi usse
pyar karta hu aur agar wo tumhe accept kregi to mere mann me tumhare liye
jealousy aur khataas paida ho jaegi aur kyuki ladkia isi baat ke liye badnaam
hoti hain ki wo apne pyar ke liye do bhai ya do bhai jaise best friends ko
ladwa deti hain, to wo aisa nhi karna chahti,
maine use bhut samjhaya par wo nhi maani aur chali gyi.
Amir: (sar pakad kar baithte huye) ye kya bol rha hai tu? Agar
ye sach hai iska matlab wo bhi meri tarah . . .
Samiya: (Amir ke hath se mobile lete huye) ha wo bhi tumhari
tarah hi tumse pyar karti hai par shayad tumne kabhi notice nhi kia. Par wo bhi
kam thodi na hai do ladke uski vajah se lade na isliye dil maarkar baithi hai
pagal, sach pucho to wo bhi tumhari hi tarah black&white hai varna kon si
ladki aisa sochegi ?
Amir: (aansuo ke sath haste huye) achha ab ye to btao tum ho
kon aur ye sab kaise janti ho?
Samiya: bhool gye tum humesha kya kahte rhte ho, ki meri
harkate tumhe kisi ki yaad dilate hain mujhe pata hai wo Karia hi hai aur ho
bhi kyu na wo meri Judwa bahan jo hai….
Amir: whaaaaaaaaaaaaaaaaaaaaat
Samiya: (haste huye) aree aree itna bada muh na phado, ye sach hai, jab maine pahli baar tumhe yaha
dekha to maine Karia ke purse me rakhi tumhari photo se pahchan lia, puri story
to tumlog ki mujhe pata hi thi to bas phir maine thodi si jasusi kari ye janne
ke liye ki tum sachmuch usse pyar karte ho ya wo bas time pass wala proposal
tha, tumse baat karke samjh aa gya ki tum to really black&white ho aur
tumhara proposal bhi black&white wala hi tha, to us hi din maine soch lia
ki tum log ko milvaugi aaj mauka mila to tumhara bhi doubt clear kar dia, to
btao kab milna chahoge usse?
Amir: (khushi aur achank phir dukh ke sath aankhe band krke) wo
nhi manegi
Samiya: kyu nhi manegi, mai manaugi, ab to Ramu ke bare me bhi pata chal gya hai
uski bhi koi problem nhi hai.
Tabhi Amir ka phone bajta hai, Ramu ki call hoti hai
Amir: ha Ramu sorry wo achank maine phone disconnect kardia tha,
acha tu ye bata kya tu ye Karia ko samjha sakta hai ki agar wo mujhe accept
karti hai to humare beech sab theek rhega,..
Ramu: ha kyu nhi mere yaar, mai use samjha duga ki ek ladki ke
liye wo hi do bhai ya do BFF ladte hoge jinke dil me ekdusre ke liye mohabbat
nhi hogi, mai use bata duga ki mai tumhare liye apne black&white ko kabhi
nhi chhodne wala…ha nhi to (hasne lagta hai)
Amir: (aansuo ke sath) saale . . . kya kahu ab tuhjse, ye kah
ke tune dil jeet lia.
Samiya, Karia ki baat pahle Ramu se karati hai aur phir Amir
se. Karia sab samajh jati hai aur Amir ko apna leti hai, Amir Samiya ka usko
uska pyar dilwane aur use uski zindagi ka matlab samjhane ke liye shukriya adaa
karta hai.
B.A pura karke Amir apne aur Karia ke maa-papa se unke rishte
ke liye baat karta hai dono taraf se ha hoti hai, dono ki Mangni ho jati hai,
Amir aage phadai chalu rakhta hai aur sath hi apne career ki pahli kitab likhta
hai jiska naam “BLACK&WHITE: ZINDAGI KE RANG” rakhta hai aur ye kitab best-selling of the
year ban jati hai.
Present Day
Amir apne ghar me T.V ke saamne baitha black&white songs dekh rha hai par par darasal wo T.V nhi
sirf black and white colours dekh rha hai, tabhi uska mobile me aawaz hoti hai aur
wo dekhta hai jo ki Samiya ka ye message hai, “Karia tumse baat nhi karna
chahti, aur ha galti tumhari nhi hai galti uski hai ki wo waqt ke sath nhi badli”
Amir ghar se nikal kar seedhe Karia ke ghar jata hai, Karia
darwaza kholti hai, Karia ko dekhte hi Amir ki aankho me jaise flash back ka
button press ho jata hai aur uski aankho ke samne se sab guzrne lagta hai, 11th
class me wo Karia ka pahla kadam, karia se wo pahla hath milana, dosti hona,
uske pyar me panda, use propose krna, uska mana karna, uska wapas milna, usse
mangni hona, aur phir Karia ka kahna ki tum badal gye ho, maine isse pahle
tumhare ye rang nhi dekhe… tabhi Karia Amir ko hila kar puchti hai ki wo yaha
kyu aaya hai to Amir usse maafi mangta hai par Karia kahti hai ki usne jis Amir
se pyaar kia tha wo seedha, saada aur suljha hua tha par pichhle kuch waqt se
uske kaamo ne use dukh pahuchaya hai aur kal jo usne kia uske baad wo Amir ko
kaise apnaye,. Amir hairani aur pachhtawe ke sath puchhta hai ki kal kya hua
tha to wo batati hai…
“Sirf kal ki baat nhi hai tum kuch waqt se bilkul badal chuke
h, maine tumse jab pyaar kia tha tab tum black&white the matlab mujhe tum
tumhari saadgi ke liye hi pasand the, par ab jo tumhare rang nikal kar aaye
hain main unhe kya samjhu kya kahu mai to khud bhut pareshan hu ki tumhe hua
kya hai aur rahi kal ki baat to suno kal tum sharab ke nashe me mere ghar aaye
the aur sabke samne mujhse zabardasti kari thi,…pata nhi tumne apni saadgi kaha
kho di, Samiya theek kahti hai galti meri hi hai ki tumne to black aur white ke
alawa baki rang apna liye par main tumhare rango me rang chuki thi aur badal
nhi payi “
Amir ne karia ke hath apno hatho me le liye aur aankho me
aansuo ke sath usse maanfi maangi, Amir ne kaha ki wo bahak gya tha aur use is
dunia ke aur rango ne andha kar dia tha, bolte bolte Amir ne karia ko gale se
laga lia aur Karia ne socha ki subah ka bhoola sham ko wapas aa jaye to wo
bhoola nhi kahlata aur phir Amir ghar me jakar Samiya aur Karia ke Maa-baap se
bhi maafi maangi, Sab theek ho gya .
Amir, Samia aur Karia Ramu ko lene Railway station par khade
hain, Ramu aata hai ek pal ko Karia ko dekh kar Amir ko gale laga leta hai,
tabhi ek couple aata hai jo ki Amir ke fan hain…
Couple: aap Amir hain na,.. jinhone “BLACK&WHITE” book
likhi hai, our Hindi is not that much good ergo we read your book's translation and that was awesome,
I love your thought that black&white is also colours like others and
they represents Simplicity and that last line of your book was damn good “Take
your colours positively, whichever
colour belongs to you just make it brighter.”
Amir: Oh Thank you so much,
Boy: kuch log kahte hain ki wo aapki real life pe base hai
Amir: Life real hi hoti hai aur rahi base ki baat to ha
Black&white is my life because my life is black&white J
Couple autograph lekar chala jata hai aur wo charo Amir ke
ghar aa jate hain, tab Amir Karia se ek vaada karta hai ki wo aajke baad apne
rang ab kabhi utarne nhi dega na aur koi rang chadne dega,
kyuki wo samjh chuka hai ki Upar wale ne hume aise operating
system ke sath banaya jo change ya re-install nhi ho sakta lekin jisne ye
operating sytem install kia hai wo master hai master use pata hai konse system
me konsa OS perfect hai, isliye re-install karne ki zarurat hi nhi hai.
Sab apne apne ghar chale jate hain par Karia Amir ke hi ghar
ruk jati hai,
Amir aur Karia Raat me apni chat pe lete huye aasman ki taraf
dekh rhe hain, Aasman me chamakte huye tare dekh rhe hain aur ek dusre se kah
rhe hain ki
“dekho zara ye aasman aur taaro ko kitna khoobsurat nazara hai
kisi bhi aur nazare se bhut bahtreen, umda aur ,. . . aur, . . Black&white ”
टिप्पणियाँ
एक टिप्पणी भेजें